مرحبا عرب
و الله زماااااااااااااان عن مدونتي العزيزة
مية مسا على العيون المدعمسة
بدي احكي عن الزواج, بس مش المواضيع الي في بالكم يا خلابيص
نياتكم عاطلة انا عارفكم
وضعنا الاقتصادي حالياً ماكل هوا
بفضل ربنا انه الشباب لا تزال حتى الآن قادرة على الزواج في هذة الظروف القاهرة
بتفرح كتير لما تشوف موكب العريس ماشي في الشارع و الفرقة عاملة زفة و كل شي تمام التمام
بس الي انا ملاحظة و بدي الكل ينتبه الها, وجود اعلام الاحزاب السياسية فوق كل موكب عرس يمر في الطرقات
ليـــــــــــــــــــــش؟؟
هل اولاد التنظيمات هم الآن فقط من يستطيعون الزواج ؟؟
ام ان الأمر مجرد فخر بالانتماء للحزب ؟؟
ام مجرد جكر و شوف يلي بتشوفش ؟؟
عمري ما شفت عريس حاطط علم فلسطين على فكرة
ليش العلم اصلاً؟؟ انت رايح ترفع راية الوطن في سباق اوليمبي ؟؟
يمكن مهي الحياة كلها ميادين
المهم
شفت مرة عريس في السيارة بالع و ريقة ناشف مسكين
بتفرج على الشارع بذهول و صدمة
حاسس حاله غلط
و شنيقليله شنيقليله
الله يعينه عاهالليلة
تصبحون على وطن
