تخبيص

سجل انا ابو شهاب
لا يوجد لي بطاقة
و لا اطفال استل لهم رغيف الخبز
و لا اعمل مع رفاق الكدح في محجر

طرقت الباب حتى كلّ متني
فلما كلّ متني كلمتني
قالت يا ابو شهاب صبراً
قلتلها يفضح عرض ابوكي افتحي المعبر

الآن في الساعه الحادية عشر
مرابط خلف شاشتي
استل اصابعي الدافئة من جيبتي
و أبدا بتنغيص مسائكم بأشعاري
جالس على الكرسي
مثل رئيس من رؤساء العرب
متمسمر ... لا يحلو لي النهوض

دراما سورية

السلام عليكم
كيف الوضع بعد اللحمة ؟؟
مش مهم كتير

خلينا في المهم, الدراما السورية رائعة
قصة, حياة واقعية, تمثيل جميل و ممثلات اجمل
اللهم صلي على النبي

اليوم كنت بتفرج على مسلسل "فسحة سماوية"
الحقيقة العنوان جميل جداً بالنسبة لي
احساس بالحرية الضائعة في تلك الفسحة السماوية
مشهد جميل لمنى واصف و هي تقف على السطح و الشمس تغيب
و الريح تداعب الأغصان و الاوراق بكل لطف
و وجه سارح في هموم الدنيا

انتو متعودين انه انا دائماً "انكش راس" على قولة الشباب
بحكي عن نفس الممثلات في نفس المسلسل
في وحده شفايفها كأنك جايب صرماية و ضاربها عليهم, كانه صايبهم ورم
كل وحده في شقة و زعلانين من بعض
رسمي اشي مش حلو و مش طبيعي
تكون المرأة جميلة جداً و لكن تشّوه خِلقتَها بالعمليات الجراحية
بس مع هيك تسلملي سوريا
و ممثلات سوريا
و الدراما السورية الي بتضلها احسن بمراحل من الدراما المصرية
"طلقني يا مرسي"
"انتي طالق يا فوزية"
"لأأأأأأأأأأأأأأأ, يا مجرم"
يا شيخ يروحوا يبيعوا فجل في فراس

كل عام و انتم بخير

السلام عليكم و رحمة الله و بركاته

عيد سعيد علينا و عليكم ان شاء الله

ان شاء الله السنه الجايه و انا متجوز يا بعمل ماجستير
و مدريدي معاه المليون دولار في سويسرا
و محمد في المانيا بلعب مع السمك
و كريم مهاجر و معاه جنسيه و برضه بلعب مع سمك
و سوبر شل متجوز و متهني مع الحب العفيف
و كهربجي فاتح شغل قد الدنيا مع ابو العبد زغاليل بس بلعبش مع سمك

تقبل الله طاعتكم

كيف الخرفان و العجول, ان شاء الله دبينا الكرشه ؟؟

انا بس حبيت اعيد على الناس الطيبه

احلى تحيه لمحمد و سوبر شل و كريم و مدريدي و كهربجي

و تحية للناس المخفية

و تقبل الله من حجاج غزه , ان شاء الله سعيكم مشكور و ذنبكم مغفور

مساكين و الله, طلعوا متأخر كثير

كان انطبقت عليهم الدعوة الي بتقول "يطعمك الحج و الناس راجعه"
دعوة عاطله رسمي

هلقيت بدي اغني

بدك اياني ******** لاما لوووو, لاما لاووووووووو

مشاهد متفرقة 3

عرق

لما تسمع كلمة عرق, بيخطر على بالك شب مقرف
مصنن في الصيف و لا بس قميص نيلون
للأسف مش صح , صح يوجد هناك قرف شبابي
و لكن اصبح لدينا قرف بناتي نسائي
بتكون راكب في تاكسي بشوف السواق مزّه بوقف يوخدها
بتقول انت "صباحنا قشطه النهارده"
بس تطلع بتموت من الريحه يا رجل
ااااااااااااااااااااااااه, اللعنه على الضمير النائم
دخيل الله يا مزز, شوية نظافة, النظافة من الايمان

--------------------------------------------------

عروبة

قرأت مقال انه في بلد عربي كرّم امرأة فلسطينية
امرأة تدافع عن شجرة الزيتون كما تدافع عن فلذات كبدها
كلنا نعرف مكانة الزيتون و حب الفلسطيني لهذا الرمز
وين النكشة ؟؟؟؟؟؟؟؟؟؟؟؟؟؟؟؟؟
نفس البلد العربي يطبع مع اسرائيل
يعني فلسطين على صرمايتي
بسلم عليك بإيد و ببعصك بالثانية
عاشوا عاشوا

--------------------------------------------------

حسد

الناس في غزة بتحسد بعض على كل حاجة
اليوم مرينا جمب بالصلاة على النبي
BMW
قرقوشة و حلوة اشي قلق
شمطها السواق عين هو و الركاب
"بسسسسسسسسسسسسسسسسسسسسس"
"اه يا عم بي إم حقها 70 الف دولار"
انا اشك اصلا في السعر
يا رجال نحسوا العجلات
ما اجت بس على السيارات يا طيور المحبة
على كل شي
رح يحسدوك على بربورك هين الناس
"وااااااااااااو بربور فضي"
اقلكم على الخرا كمان الله يعزكم
"اسحب خرية على شكل حلزون"
رح يجيك امساك

--------------------------------------------------

Claymore

انيمي جميل جداً
و سمعني

Danzai no Hana

My heart, still inside your memories.
my body, not worth searching for.
once again, someone will be cryin somewhere today,
living on with my fate of cold smiles.
hanging on to thing i cannot lose,
i stand right here even now.
unwithering flowers are beautiful,
blossom with determinded thoughts inside them.
the guity sky filled with torn clouds,
i embraced this never-ending grief

--------------------------------------------------

اخر عمل لي

طبعاً الصورة اليوم هي اخر عمل لي
اشي فكري بالدرجه الاولى
و تحياتي للجميع

Oreo

الحياة عبارة عن:

"انفحصت من ورا ؟؟؟"

"................."

"يكفيك شر البعص"

حوار في عيادة المسالك البولية و التناسلية

و سمعني اوريو

فُكها, ذوقَها, غمسها

شاكيرا

العنوان غلط !!! لا مش غلط عيونك 6/6

اليوم شاكيرا هي موضوع الحديث

تلك الشوكولا الفاخره القادمه من اصل فاخر ايضاً

كنت مبارح فاتح على موقع اسأل رجال و ما تسألش وليه
AskMen.com
حاطين قائمة بالتوب 99 امرأة على مستوى امريكا طبعاً

شكرورتي حبيبتي رقم 7 مع سكور 86.3

حبيبتي شاكيرا , فاكرين ايام في عينيه ارى الخيال

و لا يا عيني على ايام كأس العالم ايام ما انغلبت فرنسا و انطرد زيدان

شاكيرا شاكيرا, الشباب كانت مرابطة في الايطالي قبل بساعتين و لا هو 3 ساعات عشان تحضر الافتتاح السخن

و عارفين مين رقم واحد, بيونسي

امريكا صايره تفهم يا جدعان و تحيه للسمر الي زيي

و اخيرا بحب اطلب اغنية في عينيه ارى الخيال

اموت في الخيال الخصب انا

مشاهد متفرقه - 2

موز

نصيحه اخوية من اخوكم ابو شهاب
اوعى تاكل موز و تتعرض لنزلة برد "بلا قافية"
بصير معاك حجات مش طبيعيه
الله لا يورجيكم شو بصير, و بعدين شو الموز هاض ؟؟؟
اسطوري, قد ايدك و ياعيني لما تاكل اربع خمس قرون ورا بعض

فسخ

-----------------------------------

لوز

ابو العبد صاحبنا بده على السحلب عين جمل محمص
يا ظالم, عين جمل مره وحدة !!! طب انا لسه ما اكلت سحلب من اول الشتا
بس تلاقي فول سوداني بالاول , ابقى قابلني

-----------------------------------

اشارة

سائق التاكسي يتوقف عند اشارة حمراء
قلب وجهه 180 درجة و بدى ممتعضاً من الوقوف
" يلعن ابوها حماس الي خلتني اقف على اشارة المرور"
هههههههههههههههه, الصراحة انا صرت اضحك سألته "ليش ؟؟"
قال" انا كنت حرس رئيس, خلي اشاره تقف في وجهي في كل غزة!!"

لا حول و لا قوة الا بالله, ناس في شو و الاخ في شو

مع الأسف

يعني انا مش عارف شو اقول

ناس جبانة يمكن ؟؟؟

اكيد جبانة و ما عندها شجاعة

بتدخل بأسماء مستعاره و بتلقح حكي عالفاضي و المليان

يا عالم يا بشر, حكينا الكم و حطينا تنويه

مع الأسف البلوج صار موديراتيد

يعني فش كومنت رح يمر الا لما اشوفه و اوافق عليه

الي مش عاجبه الله معاه

مصطلحات

قبل أن ابدأ, رحمة الله على اسماعيل شموط
آخر لوحة أرسلها لموقع مبدعين عرب قبل سفره للعلاج في ألمانيا


خريج = عاطل عن العمل
واسطه = شغل
هومي = بلدياتي
جبنة بلدية = انسى غرامك
كوكا كولا = انسى حياتك
زواج = روح بيع ذرة اشرف الك
صديقة = دلني على داركم عشان اغتالك
طشة بحر = متنفس وحيد
فصل الشتاء = قطع الكهربا لكثرة استخدام الدفايّات
فصل الصيف = قطع الكهربا لكثرة استخدام المكيفات
ربيع و خريف = قطع الكهربا عشان قلة حيا
فاتورة الكهربا = مين ؟؟؟؟؟؟؟؟؟؟؟؟؟؟؟؟
فاتورة المياه = مين يا روحي ؟؟؟
ادهم = شوكت
جنجي = كنافه
هندسة = قلة عقل
انابوليس = خرا مقحمش
هوية = في المشمش
وطن = حُلم

تصبحون على وطن

مشاهد متفرقة

[1]
عندما تمشي في شوارع غزة هذة الأيام, سوف ترى ملصقات كبيره و متوسطه وصغيره تندد ببيع القضية
واحده تقول" نريد جيش مقاومة لا جيش مفاوضات" و اخرى تصور المقدسات و المبادىء مربوطة في خرقة للترحيل
و اخرى و اخرى
----------------

[2]
شو هاي انابوليس؟ قال في مؤتمر في امريكا بدهم يخلوا سوريا و السعوديه يوقعوا فيه على عدم حق العودة و تهويد القدس اليوم ؟؟
طالب جامعي عربي يسأل قُبيل المؤتمر بساعات قليلة

صباحنا قشطة
----------------

[3]

في الشارع, سيارتنا على الجهة اليمنى و على الجهة الاخرى سياره تتوقف من اجل عبور بعض الماره
"يلعن والداااااااااااااااااااااااااااااااك, الطحيــــــــــــــــــــــــــــــــــن"
كاره مسرعه مُحملّة بأكياس الطحين, اكثر من 30 كيس بلا مبالغة
"سائق الكارة " لا يريد التوقف خوفاً الا يستطيع الحصان المشي مرةً اخرى
حسيت حالي في فلم ماتركس
----------------

شو المُهم ؟؟؟؟

تصبحون على وطن

تنويه

اقتضى التنويه

انا عندما اكتب و اعبر عن رأيي

اكتب كما احب و بالطريقه التي اجدها مناسبة اكثر

الي عاجبه يقرأ, اهلاً و سهلاً

الي مش عاجبه ما يفوت من اساسه و ما يعلق

لا انتظر من احد ان يقول لي "قل و لا تقل"

ما عدا اصحابي

تحياتي للجميع

Anal Police

العنوان معناته بالعربي شرطة فتحة الشرج
بالفصيح شرطة الطيز

عن ايش انا بحكي؟؟؟ انا اتحدث عن مؤتمر انا بولس طبعاً , بشبه انال بوليس

حوالي 47 دولة و شخصية بارزة رايحة على المؤتمر, ليش ؟؟؟؟؟

عشان يسقطوا اشي اسمه قضية من اساسه

على قولة وزير الخارجية السعودي " التطبيع له ثمنه

احنا الثمن يا سادة يا كرام

العرب قرفوا اشي اسمه فلسطين, قرفوا يصحوا الصبح يفتحوا التلفزيون على اشي اسمه شهداء من فلسطين

بصير يقول يا حرام, بنذكره بواجبه تجاه الارض هاي

الرؤساء العرب بخافوا على شعوبهم بلاش يصير نكسة من ورا الاخبار و تصير الشعوب تنتحر

احنا سرطان الشرق الاوسط الذي يجب ان يتم استئصاله عن بكره ابيه عشان الكل يعيش مرتاح

لذلك قرروا -الرؤساء العرب- انهم يقطعوا الشك باليقين برضه على قولة سعود الفيصل

بدهم يطبعوا مقابل الاعتراف بدولة اسرائيل اليهودية

التي تعني سقوط حق العودة و طرد فلسطينيي 48 من اراضيهم و تهويد القدس ببساطة

ليش الموضوع عنوانه شرطة اطياز -مش بلا قافيه- لانه امريكا شرطي العالم و المثل بقول

يا طالب الدبس من طيز النمس , يكفيك شر العسل

بتمنى علشان ما يصير ضحك على الدقون و عشان نستمتع شوي بالمؤتمر انه اشوف كونداليزا رايس عريانه

و الرؤساء يمارسوا حقهم الطبيعي عليها و يصير اسقاط علني لانه بكفي ضحك على الخلق

و تصبحون على وطن

حمامة

السلام عليكم عرب

كنا بنتخرف "على رأي ابو خليل" في مره من المرات و الشباب قالولي شو رأيك تكتب عن غصن الزيتون ؟؟؟

و الله فكره مش بطاله

دار في ذهني اشياء عديده عندما نتحدث عن الزيتون و فوائد الزيتون

فزيت الزيتون يستخدم للتمريج و التدليك
و اشرب منه كل يوم فنجان قهوه صغير بتصير الصحه حديد
و بعد ما تعصره امسك البقايا و حطها في الطابون عشان تولعه و تشوي جاج و تتدفى انت و المدام

ليش دائماً اذا بنقرن الغصن تبعه بالسلام ؟؟ انا الصحيح مش عارف
و لكن لغصن الزيتون فوائد عديده منها الحك وين ما بدك في جسمك بلا قافيه مما يجلب السلام الى الجسد و السعاده

طب شو دخل الحمامه بالنص؟؟ بلا قافيه برضه, بحكي عن الحمام الي بطير انا مش البلابل
بقلكم الحمام مسالم و شخصية

الي بفلقك انه عربنا دائماً رافعين الغصن و الحمامه مكسورة الجناحين
بس امريكا على سبيل المثال ترفع شعار النسر الي ماسك اسهم للفسخ

سبحان الله, حتى في الشعارات مفرشحين و مسلمينها

و عقبال ما نشوف حمامكم واقف بشموخ و فاسخ ان شاء الله
بلا قافيه

استقلال

سلخيـــــــــــــــــــــــــــــــــــــر


الفرس اقترنت بحمار
ماذا صار ؟؟؟
ولدت بغلاً !!!!!!!!!!!!!!!!


يقولون أن غداً هو يوم الإستقلال الفلسطيني
عن أي استقلال نتحدث ؟؟؟؟

لنُّعرّف أولاً الاستقلال من القاموس

independence - freedom from control or influence of another or others.
source: The Free Dictionary by FARLEX

يعني, ببساطه الحرية من التدخل او التحكم من قِبل الآخرين

تعريف آخر يقول

The condition of being politically free.
source: Roget's II: The New Thesaurus, Third Edition by the Editors of the American Heritage®

Dictionary Copyright © 1995

الحالة التي تكون فيها حراً سياسياً

A declaration of a "State of Palestine" (Arabic: دولة فلسطين) was approved on November 15, 1988, by the Palestinian National Council, the legislative body of the Palestine Liberation Organization (PLO). The proclaimed "State of Palestine" is not and has never actually been an independent state, as it has never had sovereignty over any territory in history. source: wiki

عن أي استقلال نتحدث اذاً ؟؟؟؟

انا بقلكم عن اي استقلال, استقلال البصل المقلي فوق المجدره
و استقلال الباص المتوجه لأقرب كازينو

ماذا يعني لك يوم الخامس عشر من نوفمبر كل عام ؟؟؟؟؟؟

الطالب: هيييييييييييييييييييييييييه إجازه الله و كيلكم , من احلى ايام السنه, فش مدارس او جامعات
للعامل في اسرائيل قديماً قبل انتفاضة الاقصى: و لا اشي يا حج و سلامتك و تعيش, بكون رايح يستقل بذاته جوا اسرائيل
للمدرس: زي الطالب, اجازه و بفك قرفه من الاولاد و يمكن يعملها سهرة لطيفة حمراء اللون مع المدام
الطبيب و الممرض: حسب و الله اذا عنده مناوبة بلعن تعريص البلد كلها لانها ماخذه اجازه و هو لأ, اما اذا اجازه; زي المدرس بالزبط
المهندس: النقابة بتعطل تقلقوش
تبع البراد و تبع أصابع الحلب و الترمس: بيوقفوا نشاطهم بجانب المدارس و بينطلقوا الى الحارات و المخيمات عشان لقمة العيش

يعني اذا المواطن .... عفواً عشان نكون مواطنين بدنا نستقل اصلاً
اذا الانسان المسخمط الي قاعد هين مش حاسس بأي ادنى شعور تجاه الدوله المستقله تبعته, ليش نقعد و نعيّد

اقلكم حرام, خلي المعلمين يرتاحوا من قرود المدارس

و على رأي الشاعر:

نفسي أفسي

وطناً لله يا محسنين

وطناً لله يا محسنين
…حتى لو بحلم
أكثير هو أن يطمع ميت
!في الرقاد؟
…ضاع عمري وأنا أعدو
فلا يطلع لي إلا الأعادي
وأنا أدعو
فلا تنزل بي إلا العوادي
كلّ عين حدّقت بي
خلتها تنوي اصطيادي !
كلّ كف لوّحت لي
خلتها تنوي اقتيادي !
…غربة كاسرة تقتاتني
والجوع زادي
لم تعد بي طاقة
يا ربّ خلصني سريعاً
من بلادي !


أحمد مطر



مش جاي على بالي اكتب

يخلف على ناجي و مطر

يونس شلبي

يونس شلبي مات يا شباب

رحمة الله عليه

رح يندفن في مقابر العائلة في مصر

اخ بس نفسي ازور العيله هناك و اشوف الاصول الشلبية

"توفي الفنان المصري الشهير يونس شلبي عن عمر يناهز 66 عاما بعد صراع طويل مع المرض وعدة عمليات جراحية في القلب"

و هي احلى فيديو جاموسه

طوشه

شو صار ما صار ؟؟؟
حازم معطه لفيصل ست شفرات

ههههههههههههههههههههههه

اغنية تحشيش اصلي من النوع القوي على وزن مايكل جاكسون

المهم فتح عامله شكلها مسيره كبيره في المنتدى قدام الازهر , و التنفيذية خشت شمال فيهم, ليش ؟؟؟؟؟؟؟

اكيد صاروا يحكوا شيعه شيعه شيعه شيعه

ههههههههههههههههههههههههههه

علي الضمان نحن شعب قلق

دخيل الله بكفي عبط و عتاهه رومانيه سوريه كوريه على صوماليه

احنا ماكلينها هيك هيك, نوكلها من بعض ليش ؟؟؟؟؟

و هي احلى فيديو طوشه

ابو حازم طالب هدنه 3 ايام

ههههههههههههههههههههههههه

تيليتابييييييييييز

مين فيكم شاف فلم كوكب القرده بس الجزء القديم
؟؟؟؟

حتقولولي ما شفناه, مش مشلكه. في جزء من الفلم كيف بدهم يتأكدوا انه البشر كانوا هين قبل القرود ؟؟؟ بلاقوا لعبه على شكل بنت بتعرفوهم هدول اللعب الي بتقرف الواحد و هو ماسكهم

بقلك يعني انه في بشر.............. طب تخيلوا لو انهم لقوا لعبة تيليتابيز بدل من البنت ؟؟؟؟؟؟ شو كان رح يصير ؟؟؟؟

كان قالوا انه فش انسان كان هين و انه هاظ الشي دليل وجود كائنات فضائية جميلة ملونه زعيمها اسمه تنكي ونكي

نصيحه للكل ما تشتريش لابنك جوال تيليتابيز او لعبه تيليتابيز, ليش ؟؟؟

1- بلاش يقولوا فش انسان لما ننقرض
2- اصلاً اللعب شكلها بخوف

هيا بنا نلعب

امبارح في الشارع شفت اتنين جارين بتخانقوا على الاولاد و اللعب في الشارع واحد بقله لحد بيتنا و خلص و التاني بنفعش هيك لانه شارع و مداخل بيوت هاي
دخيل الله انا وين الاولاد بدها تلعب في غزه ؟؟؟؟؟؟؟؟؟
فش عنا ملاعب يا عرب
لما كنا صغار في الحاره, كنا نلعب كره مره "محسوبكم كان كابتن ماجد من الجول للجول كنت مرعب مش اكتر" ههههههههههههههههههههههههه المهم طلع جارنا و سبلنا الرب و الدين عشان كنا نلعب, طبعاً اخد منا مسبات ليوم المسبات الباشا و الي بعطلنا الكوره و الي و الي و الي

وين الولد بده يلعب يعني ؟؟؟

بيض و بيضات

السلام عليكم

اليوم بدي اسأل ليش, ليش دائماً لما يطلع المسلم على بلاد اوروبا او امريكا يُسأل اسئلة و بنحط في الزاوية الوسخة و بصير يدافع عن نفسه ؟؟؟

ليش المسلم ما يصير يسأل الفرنسي مثلاً عن الشهداء في الجزائر و عن قتلى المسلمين على يديها الي لحتى الآن فرنسا ترفض الاعتذار عنهم ؟؟؟

ليش ما بنحكي للأمريكي, أسامة بن لادن ليش ضربكم؟ شو الدافع؟ ليش بتحتلوا شعوب الأرض و الناس بتكرهكم؟

أمثلة بسيطه فقط.....

لو اجينا نرد على السؤال بقول النكته

بيضتين وقعوا من الدور العاشر ما انكسروش ليش ؟؟؟؟؟؟؟؟؟؟؟؟؟؟؟

عشانهم طلعوا بيضات


وطول ما احنا هيك رح نضل في طور البيضات

و عاش الوطن

Free Palestine

السلام عليكم و رحمة الله

نبداً الكلام يا سادة يا كرام

مبارح بالليل و انا سهران الليل
كنت بقلب في التلفزيون و حطيت على تلفزيون فلسطين القناة الفضائية و كانت حفلة مصطفى قمر مش فاكر بالزبط الي صارت في غزة او رام الله, المهم في آخر الأغنية طلعت بنت صغيره مع الباشا و قعدت تخلع على المنصة اشي بفرح الصحيح

ناس في شم ورد و ناس في شم خ**

المهم حطيت على الأقصى كان في أغنية برضه بس ضد المدخنين و كمان في واحد قاعد بكح, عدها فقعت شغلات عنده

بزكرني بشباب بعرفهم :) ,الي فلقني انهم بجمركوا على كروز الدخان الواحد 70 شيكل و بعدين بقلك خليهم الله لا يردهم

حاصله اتزكرت مره موضوع في النت كان عنوانه
Free Palestine
لما الواحد بيقرأ هيك شي بيفكر يعني اشي نضالي شوي , اخبار , فن داعم للقضية اقصد لوحات صور يعني شي زي هيك

حزروا شو طلع ؟؟؟؟؟؟؟؟؟؟؟؟؟؟

وحده بتدبك في امريكا ههههههههههههههه و ماسكه الكوفيه و بتلولح فيها

She was warming UP guys

يعني كل يغني على ليلاه

و على رأي مصطفى قمر

و نغني يا ليل يا قمر
و نطول بايدينا ال **** و بلاش نكمل

Where does milk come from

بالأمس و احنا قاعدني بنتركس "يعني بنلعب تركس" كنا نحكي عن البضائع الي بدت تشح من البلد
طبعاً السجاير بتشحش بالمره بس للتذكير

صرنا نعدد في البضائع و الاسعار الزايده و النقص الي بصير

فذكر شب انه الجبنة البلدية الي بتنعمل في البيوت و بتنباع في السوق غليت كمان !!!! ليش ؟؟؟؟؟

يا سيدي من أين يأتي الحليب, يأتي من البقر الله يعزكم و ماذا يأكل البقر ؟؟ يأكل برسيم و الغزا اللزي منه
و الشغلات هاي بدت تنقطع لذلك ارتفع سعر العلف لذلك ارتفع سعر الجبنه لذلك بلا منها الجبنة البلدية

تذكرت الأغنية الهبلة تبعت البنات
و الجارة بدا قمحة
و القمحة عند الطحان " طلعت لفيروز و انا مش داري

احنا النسخه تبعتنا بتصير

ابو شهاب بده جبنه بلدية
و الجبنه البلدية بدها بقره
و البقره بدها علف
و العلف مش من عنا
العلف من عند شلومو
و على فكره بده مية
و المية مش من عنا
من الآخر بلاش الجبنة

هههههههههههههههههههههههههههه

تصبحون على وطن

Jobs & life

يعني الواحد شو بده يقول ليقول
حسبنا الله و نعم الوكيل, كله الشباب قاعده بعد التخرج و الاسعار زادت و الدولار نزل اخو الكلب

مبارح شفت دعاية تحشيـــــــــــــــــــــــــــش

وحده مغسله شعرها بشامبو SunSilk
و الاخت مبسوطه مبسوطه كتير على حالها, بتوقف عن يافطه مكتوب عليها "لا يوجد وظائف" بتلعب بشعرها قدام اليافطه بتنشطب كلمة "لا"
بلعبوا على الوتر الحساس ولاد الهرمه, بدنا منها هاي و نصيحه لكل شب قاعد في غزة اشتري شامبو يا ابني سن سيلك و اقف على باب الوكاله و العب بشعرك بلكي طلعت بطاله الك

لو صارلك اشي انا مليش دعوه

و على رأي الشاعر الي بقول : ادلع يا كايدهم, خليهم يشوفونك

و عاشت فلسطين حره

Long time

Well, it has been long time since i posted something here but this is going to be active from now on.
Hell yeah.

Dance baby cause your dady is back.